Kunina Sport and Education aholkularitzako zuzendaria da. UNICEF eta Save the Children erakundeetan lan egin du, eta kirolaren barruan haurren eta gazteen aurkako indarkeriaren prebentzioan mundu mailako erreferentea da. Athletic Club-en haurrak babesteko lehen protokoloaren sortzailea izan zen. Neska gazteen futbol-entrenatzailea ere bada.
Iñaki Alonso neska gazteen futbol-entrenatzailea da, eta kirolari lotua eman du bere bizitza osoa. Gazteekin duen konpromisoa harago doa, ordea: mundu mailako erreferente bat da kirolean haurrek eta gazteek pairatzen duten indarkerian. Elkarrizketa honetan, kirolak luzaroan normalizatu dituen indarkeriazko dinamikei izena jarri die.
Kirolean ematen diren presio-dinamikak ulertzeko, gazteei ahotsa ematearen garrantzia aldarrikatzen du Alonsok. Eta espektatibez argi hitz egiten du: “autoexijentziaz hitz egiten dugu, baina bere buruari gehiegi exijitzen dionak inguruko helduen gehiegizko exijentzia bat izaten du atzean”.
