Kirol-psikologiako doktorea da Ainhoa Azurmendi. EHUko ikertzailea eta irakaslea da, eta baita Aventoko kirol-aholkularia ere. Realarentzat, Gipuzkoako Foru Aldundiarentzat eta kirol-federazioentzat aholkulari-lanak egiten ditu. Eskubaloiko jokalari ohia ere bada.
Kirol-psikologiako ikertzailea da Ainhoa Azurmendi EHUn. Avento kirol-aholkularitzaren bidez, zenbait gai lantzen ditu kirol-federazioetan eta -klubetan, hala nola talde-kohesioa eta lidergoa, kirolean gertatzen diren jazarpen eta gehiegikeriak, eta emakume entrenatzaileen formakuntza. Kirolean genero-ikuspegia falta dela dio.
Ispilura begiratu eta orain arte egindako guztia zalantzan jartzea mingarria dela aitortzen du Ainhoa Azurmendik. Baina behar-beharrezkoa dela dio. Entrenatzaileek zein gurasoek egin beharrekoa. Helduongan ikusten dituzten abusuzko jarrerak baitira gazteen aldageletan errepikatzen ari direnak.
