Psikologiako doktorea da, eta EHUko ikertzailea KideOn ikerketa-taldean. Bilakaera eta Hezkuntzaren Psikologia departamentuko irakaslea da Bilboko Hezkuntza Fakultatean. Hauek ditu ikerketa-lerro nagusi: feminismoa, haur eta gazteen ongizatea eta egoera kalteberan dauden kolektiboen inklusioa.
Nahia Idoiaga Mondragon psikologoa da EHUko KideON ikerketa-taldean, eta ederki ezagutzen ditu nerabezaroaren garapena eta berezko ezaugarriak. Aurreiritziak eta beldurra kenduz gero, nerabezaroa potentzial ikaragarriko garaia dela dio. Garunaren garapena ulertzea gako ikusten du horretarako.
Gazteen osasun mentalean zuzenean eragiten ari diren presioak aletu ditu Nahia Idoiaga psikologoak. Horietako bat etxean bertan kokatu du: “Oraingo gurasook exijentzia-maila handia jartzen diegu seme-alabei, gu baino hobeak izan daitezen akademikoki, kirolean, itxura fisikoan, sozialki…”. Haientzat babes-sare sozialak sortzearen garrantzia aldarrikatu du.
