Soziologoa eta Osasun Publikoko doktorea da. Desberdintasun sozialek osasunean eta osasun-arretan duten eragina ikertzen du; batez ere, generoak eragindakoa. OPIK Osasunaren Gizarte Determinatzaile eta Aldaketa Demografikoari buruzko ikerketa-taldeko burua da.
Soziologiaren begirada ezinbestekoa da osasun mentalaren gainbehera ulertzeko. Hamarkada eskasetan aldaketa oso sakonak gertatu dira gizartean, harremanak egiteko modua iraultzeraino, eta horrek guztiak osasun mentalean zer eragin izan duen galdetu diogu Amaia Bacigalupe soziologoari. EHUko OPIK ikerketa-taldearen burua da Bacigalupe.
Gazteen osasun mentalaren krisi honetan kapitalismo teknologikoak eragin handia izan duela uste du Amaia Bacigalupe soziologoak. Ondorioz, eremu politikotik erantzun beharko litzaiokeela dio, teknologiaren erraldoiei demandak jarrita, bere garaian tabakoaren edo opiazeoen industrien aurka egin zen bezalaxe. Osasun-sistemaren begirada aldatzeko beharra ere ikusten du.
