Aisialdiko dekalogoa
Ondo pasa
Aisialdian ondo pasatzea gauzak hobeto egiteko bidea da.
Taldea
Sortu taldea nerabeak elkarlanean jarriz edota talde-izaera indartuz.
Errespetua
Errespetatu aniztasuna eta bakoitzaren gaitasun zein ahulguneak.
Komunikazioa
Konfiantza eraikitzeko gakoa da taldekideekin duzun komunikazioa. Izan irekia.
Pertenentzia
Nerabe askorentzat aisialdiko taldea da beren toki segurua. Nor diren adierazteko lekua. Zaindu pertenentzia hori exijentzian erori gabe.
Ekintzetatik ikasi
Ekintzek erakusten dute bidea eta balioak. Akatsak onartu eta ez ezarri diziplinaren estuasunik.
Gertutasuna
Erreferentea zara, harremanetan gertutasuna erakutsi nerabeek ere besteenganako gertutasuna sor dezaten.
Protokoloak
Arazoen aurrean, protokolo definituak aurrez izatea beharrezkoa da. Sortu taldearentzako protokolo bat bazterkeria, hitzezko eraso edo irainen kasurako.
Zaintza
Zu zara nerabe horien arduraduna eta egoera zaurgarririk balute babesa eskaini behar dien hezitzailea.
Enpatia sustatu
Elkarrenganako begirada eta balioespena eman. Akatsak normalizatu eta ikasgai gisara hautematen lagundu.